මා කුස හොවා නුඹ මෙළොවට බිහි වෙද්දී
ලේ කිරි පොවා මා නුඹ නලවද්දී
පා පොඩි තබා නුඹ හෙමිහිට ඇවිදිද්දී
මැව්ව හීන නුඹ හෙමිහිට ලොකු වෙද්දී
වසරින් වසර නුඹ හෙමිහිට ලොකු වූවා
යහගුණයෙන් මෙන්ම රුවෙනුත් හැඩ වුවා
අම්මා තාත්තගේ නම රැන් දූවා
සරසවිය නුඹෙ දෙවෙනි මව් වූවා
නුඹ දැන් ලොකුයි අපහට බයක් නැතේ
නුඹහට රන් දොරටුත් විවර වෙතේ
පරිස්සමින් හෙමිහිට යමුකො පුතේ
හිතනා තරම් මේ ලොව සොඳුරු නැතේ
අම්මා තාත්ත ගෙ ආශිර්වාදෙ ඇතේ
බුදු සරණින් නුඹ හට දුකක් නැතේ
තිස්තුන් කොටියක් දෙවි පිහිටයි නුඹට පුතේ
නුඹ වැනි දුවක් ලැබුනේ පෙර පිනට පුතේ
No comments:
Post a Comment