ඔබ යළිත් එනවානම්

දෙන්න අවසර

මේ භවයේදි

සසරින් සසර පතමින් අප ඉප දෙන්නා මේ භවයේදිත් මේ විදිහට හමුවන්නා අපට උරුම කැළයත් අහිමිව යන්නා පරිස්සම් වෙන්න මැණිකේ උන් ගිනි බිඳලන්නා

හොඳ අම්මෙක් මං පතනව

පීනන්නට හිතන්
අපි මුහුදට
පැන්නා
රැල්ලට අසුවී
දියඹට 
ගහගෙන යන්නා
දෙවියන් ලෙසට
නාවිකයින් පැමිනෙන්නා
අපි බේරන්
ගොඩ බිම වෙත
ගෙන යන්නා
යළිත් වරක්
මෙහි එන්නට
නොහිතන්නා
යමු අයියේ
හනි හනිකට
අපි දෙන්නා...
(ඡායාරූපය අන්තර් ජාලයෙන් උපුටා ගන්නා ලදී)

සිහින

සීට්ටු

අහපන් නයනක්කේ,
හම්බවෙන සොච්චමෙන්
භාගයක් ගෙදරට ,
ඉතිරියෙන් කොටසක්
දෙනවා බෝඩිමට,
උදේ දවල් කෑම
ශේප් වෙනවා වැඩපොලෙන්
රෑට ඔය පොඩි දෙයක්
හොඳටෝම ඇති
බඩගින්න නැතිවෙන්න
කොහොමද බං මම ගන්නෙ
අසාවට චේන් පොටක්
නෑනේ කිසි ඉතුරුවක්....

අල්ලපන් සීට්ටුවක්
මම එහෙමයි
මගේ වැඩ කරගත්තෙ
සල්ලි වගේම
දැම්මා නොයෙකුත් සීට්ටු
උඹටත් පුළුවන් නංගියේ
ඒ විදිහට එකතු කරගන්න
සල්ලි වගේම දෑවැද්දට බඩුත්..


ලේසියෙන් සල්ලිනම්
හොයතහැකි ඇති තරම්
ඒත් බං නංගියේ
රැක ගනින් උඹේ නම
අවුරුදු පහක් වත්
වැඩ කලොත් උඹ මෙතන
හොඳට කල්පනා කර
ගැලපුවොත් උඹේ පඩිය
උඹට බැරි නෑ
මං වගේ ගොඩ යන්න...

ලැබුනා උපදෙසක්
රන් හා  වටින
උඹට පින් නයනක්කේ

මට කියලා දුන්නාට...

අනේ උඹේ පින්

මට එපා උඹ ගනින්

මම වගේම උඹත්

කෙල්ලෙක්නෙ බං

මෙහෙ ඇවිත් දුක්

විඳින...

අරගලය

අනේ මහත්තයා මේක 
ආයේ මහන්න බෑ 
අලුත් එකක් ගන්න

සපත්තු මහන්නා 

එහෙම කිව්වම 

මාව සීතල වෙලා ගියා..

අලුත් සපත්තු ජෝඩුවක් 

රුපියල් දෙදහක් විතර

කොල්ලාට කැම්පස් යන්න බෑ

පෙරේතය වගේ

දොස්තර මහත්තයෙක් 

වෙන්නනෙ ඉගන ගන්නේ

ඉතින් අරන් දුන්නා 

මේ මාසෙ පඩියෙන් 

අලුත් සපත්තු 

ජෝඩු දෙකක්ම

අත්තිකාරමක් වත් දමා

ගන්නවා හවසට 

අඩු ගනන් සපත්තු ජෝඩුවක්

එහෙම හිතාගෙන 

ඔෆීසියට ඇවිත් 

පටන් ගත්තා වැඩ

අන්න අරුන්

මෙඩ්ඩෝ රිංගලලු

අමාත්‍යාංශයට

ගහලලු ඔක්කොටම 

තුවාලළු ළමයින්ට

ඔෆීසියේ කතාවක්

මාත් බය උනා හොඳටම

අපේ එකත් ඇති ඔය අතර

එතකොටම මට

කෝල් එකක්

අන්කල් "මියුරු ඉස්පිරිතාලේ"

ඔලුව පැලිලා 

දමා කෙටි නිවාඩුවක්

දිව්වා රෝහලට

දොස්තර කෙනෙක් වෙන්න

ඉගන ගන්න ගිය

මගෙ කොල්ලා 

වට කරන් බෙහෙත් දානව

දොස්තරලා

මගෙ පුතේ මේ අහපන්

අපට බෑ රට හදන්න

අනේ මට දුක් නොදී 

උඹවත් හැදියන්

රට ගියදෙන් යකාට

එහෙම කියන්න 

හිතට ආ සිතුවිල්ල

හිතෙම තද කරන්

කිට්ටු උනා 

කොල්ලා ලඟට

"තාත්තේ" 

උන් අපට ගැස්සුවා

අසාධාරණයට 

විරුද්ධව අරගල කරපු

වරදට

කඳුලු පිරිච්ච

කොල්ලගේ ඇස් 

කිව්වා එහෙම කතාවක්...

නුඹ වැනි දුවක්

මා කුස හොවා නුඹ මෙළොවට බිහි වෙද්දී
ලේ කිරි පොවා මා නුඹ නලවද්දී
පා පොඩි තබා නුඹ හෙමිහිට ඇවිදිද්දී
මැව්ව හීන නුඹ හෙමිහිට ලොකු වෙද්දී

වසරින් වසර නුඹ හෙමිහිට ලොකු වූවා
යහගුණයෙන් මෙන්ම රුවෙනුත් හැඩ වුවා
අම්මා තාත්තගේ නම රැන් දූවා
සරසවිය නුඹෙ දෙවෙනි මව් වූවා

නුඹ දැන් ලොකුයි අපහට බයක් නැතේ
නුඹහට රන් දොරටුත් විවර වෙතේ
පරිස්සමින් හෙමිහිට යමුකො පුතේ
හිතනා තරම් මේ ලොව සොඳුරු නැතේ

අම්මා තාත්ත ගෙ ආශිර්වාදෙ ඇතේ
බුදු සරණින් නුඹ හට දුකක් නැතේ
තිස්තුන් කොටියක් දෙවි පිහිටයි නුඹට පුතේ
නුඹ වැනි දුවක් ලැබුනේ පෙර පිනට පුතේ

                                         මතක පොතේ පිටු..........

එකම එක වරක් යළි

ඔබේ රුව දකින්නට

පාරමී පුරන නෙතු

මට අවනත නොවන කල

ඔබ ගැන මතකය

පමනක් හිත තුල තෙරපන්

මතක පොත පෙරලීමි

නුඹ මගෙත් නොවේ

මා නුඹෙත් නොවේ

මතක් කරයි 

මතක පොතේ පිටු

බොහෝ කලකට පෙර

නුඹ මා අතහැර

බොහෝ දුර ගොසින් වග...

ඉසුරු

ජීවිතය තණ අග පිපුන

පිණි බිංදුවක් වගේ

ඩෙංගු මදුරුවෙකුට 

උනත් පුලුවන්

අපේ ජීවිතය 

අරන් යන්න...

හැමදේම හීනයක් 

වෙනවා නම් මොනතරම්

හොඳඳ...

ඉස්සර වගේ

විහිලුවක් කරලා 

මාව අවුස්සන්න 

ඔයා ආයේ එන්නෙ නෑ..

මම ඔයාට 

නිවන් සුව පතන්නේ නෑ

අපේම කෙනෙක් 

වෙලා ආයේ එන්න 

ඉසුරු

අපි මග බලන් ඉන්නවා..

අපෙ අතැඟිලී

තිබුන මුත් 

බොහොමයක් 

සෙනෙහෙ සිතුවිලී........

අප අතර 

නොගැලපීම් 

ඊටත් වැඩී ........

ඒකයි 

ගිලිහුනේ

අපෙ අතැඟිලී...

දුරස්ව යන නුඹට

මා නිසා ඔබ
වෙහෙසුනාට කම් නැතී
සිතුවාට මා
වැරදිත් ඇතී..
නොබලන්න යලි
ආපසු හැරී
යන නුඹටත් වඩා
නැවතුන මට
දුක කොහොමත්
වැඩී....

කවදාවත් නැති විදිහට
මතක් වෙනවා අද මට ඔබව
කාලයට ඉඩදී වසා අගුලු දැමු
මගේ හදවතේ දොර පියන්
යලි විවරවුයේ කෙලෙසින්ද