කුළෑටි මුහුද

කුළෑටි මුහුද       පරිවර්තනය - ස්වර්ණකාන්ති රාජපක්ෂ

The sea of Innocence  - Kishwar Desai

                                         

මම කියවලා ඉවර කරපු අලුත්ම පොත. පුස්තකාලෙන් ගෙනාවට මොනවගේ පොතක් ද කියලා අදහසක් නැතුවයි අරන් ආවේ. කියවන්න ගත්තම තමා තේරුනේ මේ පොත රහස් පරීක්ෂක පොතක් කියලා. ඒ වගේ පොතක් එක දිගටම කියවලා ඉවර කරන්න ඕනා..එතකොටයි කතාවට අදාල රූපමය සටහන් මනසේ ඇඳ ගන්න පුලුවන් වෙන්නේ.

මේ පොතේ කතා නායිකාව සිම්ර්‍න් සිං එයාගේ දුව (හදාගන්න ගත්ත දුව,සිම්ර්‍න් සිං අවිවාහකයි ) ත් එක්ක ගෝව වෙරළ තීරයට යනවා විවේකයක් ගන්න. සිම්ර්‍න් සිං සිගැරැට් බොන, බියර් බොන සාම්ප්‍රදායික ඉන්දියානු කාන්තාවකට වඩා වෙනස් කාන්තාවක්. සිම්ර්‍න් සිං ගේ හිටපු පෙම්වතා පොලිස් නිලධාරියෙක්. එයාගේ ඉල්ලීමකට අකමැත්තෙන් උනත් සිම්ර්‍න් සිං ගෝව වෙරළේ දී අතුරුදහන් උන හිපි තරුණියක් ගැන හොයන්න පටන් ගන්නවා..ඒ විදිහට ගලාගෙන යන මේ කතාවේ ගෝව වෙරළේ සිදුවෙන මත් ද්‍රව්‍ය වෙළඳාම, නොයෙකුත් අපචාර, ස්ත්‍රී දූෂණ, විදේශික ගැහැණු ළමයින්ව මත්ද්‍රව්‍ය වලට ඇබ්බැහි කරලා ඔවුන් හරහා මත් ද්‍රව්‍ය ජාවාරම කරගෙන යන ආකාරය ගැන ලියලා තියනවා. ඒවා ඇත්තටම නම් සිදුවෙනවද දන්නෙ නෑ. ඒ වගේම මේ ව්‍යාපාර වල හිමිකරු එහෙම නැත්නම් මහ මොළකරු වෙන්නේ ඉන්දියාවේ ප්‍රසිද්ධ ඇමති කෙනෙක්..කොහොම හරි අවසානයට සිම්ර්‍න් සිං හිපි ගැහැණු ළමයගේ අභිරහස හොයාගන්නවා. එත් එතකොට ඒ ළමයා මිය ගිහින් කාලයක් ගත වෙලා.සිම්ර්‍න් සිං  ට ගොවෙන් ම පෙම්වතෙකුත් මුණ ගැහෙනවා.
මේක ප්‍රබන්ධ කතාවක් , සත්‍ය කතාවක් නොවෙන මුත් ඉන්දියාවේ සිදුවුන සත්‍ය සිදුවීම් ගැනත් මේ පොතේ සටහන් වෙනවා. මම කියවපු දුක්බර කේදවාචකයක් ..මත් කුඩු නිසා තරුණ ජීවිත විනාශ වෙන හැටි වගේම ඒවායින් මිනිස්සු කෝටිපතියෝ වෙලා සුදු රෙදි පොරවගෙන ඉන්න අන්දම ගැන  කතාකරන්න කතුවරිය මේ පොතෙන් උත්සාහ කරලා තියනවා.ඔයාලත් කියවලා බලන්න.